Ein blaenoriaethau ar gyfer Cymru 2026-27

Ar draws y sector trydyddol yng Nghymru, mae cytundeb eang ynghylch y cyfleoedd a gyflwynir gan dechnoleg ddigidol, data a thechnoleg. Nid diffinio'r uchelgais yw'r her mwyach ond ei throi'n gyflawniad.

Mae hyn yn golygu meithrin yr arweinyddiaeth, y capasiti, y gallu, y partneriaethau a'r hyder sydd eu hangen i gyflawni newid cynaliadwy ar raddfa fawr.

Darllenwch y dudalen hon yn Saesneg / Read this page in English.

Blaenoriaeth un: darparu arweinyddiaeth ddigidol genedlaethol i Gymru

Helpu Cymru i lywio cymhlethdod, dylanwadu ar bolisi a gwneud penderfyniadau gwybodus am ddigidol, data a thechnoleg.

Sut mae da yn edrych:

  • Mae Jisc yn cael ei gydnabod fel cynghorydd dibynadwy i Lywodraeth Cymru, Medr ac arweinwyr y sector trydyddol
  • Mae perthnasoedd cryf yn cael eu cynnal a’u cryfhau â rhanddeiliaid allweddol, gan gynnwys Llywodraeth Cymru, Medr, Cymwysterau Cymru, Estyn, ColegauCymru, Prifysgolion Cymru, NTfW (Ffederasiwn Hyfforddiant Cenedlaethol Cymru), Y Coleg Cymraeg Cenedlaethol a Phartneriaethau Sgiliau Rhanbarthol
  • Mae Jisc yn dod â mewnwelediad, tystiolaeth ac arfer gorau ledled y DU i drafodaethau polisi Cymru
  • Mae Jisc yn chwarae rhan weithredol wrth lywio trafodaethau ar ddigidol, AI, sgiliau, seilwaith a diwygio trydyddol
  • Mae Cymru’n elwa o sylfaen dystiolaeth gref i gefnogi gwneud penderfyniadau strategol a buddsoddi

Blaenoriaeth dau: cyflymu cydweithio a dulliau a rennir

Cefnogi'r sector i weithio ar y cyd lle gall cydweithio wella effeithlonrwydd, gwydnwch ac effaith.

Sut mae da yn edrych:

  • Gwneir cynnydd ar gaffael ar y cyd, arbenigedd ar y cyd a chyfleoedd cydweithredol
  • Mae cymunedau ymarfer yn parhau i dyfu a rhannu dysgu ledled Cymru
  • Mae mwy o gydweithio yn cael ei hwyluso rhwng darparwyr AB, AU, ACL a phrentisiaethau
  • Mae mwy o sefydliadau’n elwa o ddulliau cyfunol o ymdrin â seiberddiogelwch, AI a seilwaith digidol
  • Mae sefydliadau fwyfwy yn gweld cydweithio fel llwybr ymarferol o feithrin gwydnwch a chyflawni effeithlonrwydd

Blaenoriaeth tri: cryfhau seilwaith cynaliadwy, gwydnwch a chysylltedd

Helpu sefydliadau i ymateb i bwysau cynyddol o amgylch seilwaith, seiberddiogelwch, dyled dechnegol a chynaliadwyedd hirdymor.

Sut mae da yn edrych:

  • Mae gan sefydliadau fynediad at fewnwelediad, cyngor a gwasanaethau sy'n cryfhau seiber-wydnwch a chynaliadwyedd digidol
  • Mae Jisc yn parhau i weithio gyda Llywodraeth Cymru a rhaglen Agregu Band Eang y Sector Cyhoeddus (PSBA) i sicrhau bod anghenion addysg drydyddol ac ymchwil yn cael eu hadlewyrchu mewn trefniadau cysylltedd yn y dyfodol, gan gynnwys PSBA3
  • Mwy o ymwybyddiaeth a dealltwriaeth o risgiau seilwaith, cwmwl a chyflenwyr ar draws y sector
  • Mae sefydliadau mewn gwell sefyllfa i wneud penderfyniadau gwybodus ar wydnwch digidol, dyled dechnegol a buddsoddi mewn seilwaith

Blaenoriaeth pedwar: cefnogi mabwysiadu a gweithredu AI mewn ffordd gyfrifol

Helpu'r sector i symud o arbrofi tuag at weithredu hyderus, ymarferol a chyfrifol.

Sut mae da yn edrych:

  • Mae gan sefydliadau fynediad at ganllawiau ymarferol, fframweithiau a chymunedau sy'n cefnogi mabwysiadu AI
  • Mae mwy o hyder ymhlith arweinwyr, ymarferwyr a thimau cymorth wrth wneud penderfyniadau gwybodus ynghylch AI
  • Mae arfer effeithiol yn cael ei rannu'n ehangach ledled Cymru
  • Mae sgyrsiau'n canolbwyntio fwyfwy ar weithredu, llywodraethu, gallu ac effaith
  • Mae mabwysiadu AI yn parhau i fod yn gydnaws â phwrpas addysgol, gwerth cyhoeddus a chanlyniadau dysgwyr

Blaenoriaeth pump: hyrwyddo gallu digidol, cynhwysiant ac ymchwil ac arloesi

Sicrhau y gall dysgwyr, staff ac ymchwilwyr elwa o drawsnewid digidol waeth beth fo'u rôl, cefndir neu sefydliad.

Sut mae da yn edrych:

  • Mae mwy o ffocws ar allu digidol a hyder ar draws y sector trydyddol
  • Darperir cefnogaeth barhaus ar gyfer darpariaeth ddigidol ddwyieithog, hygyrch a chynhwysol
  • Mae mwy o ymwybyddiaeth o heriau sy'n ymwneud â thlodi digidol, hawliau dysgwyr a mynediad teg
  • Mae sefydliadau Cymru wedi'u cysylltu â gweithgareddau ymchwil ac arloesi Jisc, gan gefnogi eu cynaliadwyedd a'u gwydnwch, eu helpu i archwilio technolegau sy'n dod i'r amlwg, cael mynediad at seilwaith ymchwil digidol ffederal ac arloesol a chefnogi cydweithio ar gyfer twf a budd economaidd
  • Mae Jisc yn cefnogi uchelgeisiau Cymru ar gyfer ymchwil, arloesi a thwf economaidd drwy gysylltu sefydliadau â mentrau, arbenigedd a phartneriaethau ledled y DU

Cyflawni strategaeth Jisc yng Nghymru

Mae'r blaenoriaethau hyn yn adlewyrchu'r cyfleoedd a'r heriau a nodwyd drwy fforwm ymgysylltu Cymru ac ymgysylltu ehangach ag aelodau, rhanddeiliaid a phartneriaid.

Maent wedi'u halinio ag uchelgeisiau strategol Jisc ar gyfer 2030 drwy:

  • Darparu arweinyddiaeth a dylanwad i gefnogi gwneud penderfyniadau, datblygu polisïau a chydweithio rhwng sectorau.
  • Cyflymu trawsnewid digidol drwy ddulliau a rennir, meithrin galluoedd a mabwysiadu technolegau sy'n dod i'r amlwg yn gyfrifol.
  • Cryfhau seilwaith digidol diogel, gwydn a chynaliadwy.
  • Cefnogi ymchwil, arloesi a thwf economaidd drwy gydweithio, arbenigedd a seilwaith ymchwil digidol ledled y DU.

Gyda'i gilydd, bydd y blaenoriaethau hyn yn helpu sefydliadau i symud o uchelgais i weithredu drwy feithrin yr arweinyddiaeth, y partneriaethau, y gallu a'r hyder sydd eu hangen i gyflawni newid cynaliadwy ar raddfa fawr.